MALVELA no Culturgal

MALVELA participa este ano no CULTURGAL, a Feira das industrias culturais que se celebrará no Pazo da cultura de Pontevedra os días 2, 3 e 4 de decembro.
Malvela terá stand propio, no que poderemos atopar o seu último traballo discográfico, camisetas, información sobre o grupo, as bonecas de papel. E por suposto, as componentes do grupo andarán por alí para poder conversar con elas. E seguro que se animan a levar algún doce feito por elas...
Ademáis, dentro da programación oficial do Culturgal, MALVELA fará unha actuación para presentar o seu novo traballo discográfico, RAIANAS, o venres 2 ás 21.30 no Edificio Sexto do Museo de Pontevedra!